Á leið Austur

Jæja við erum að leggja af stað austur, ekki nema 12 tíma ferðalag eða svipað og flugi frá London til Singapore. Ég hef verið að glugga í eina bók sem ég fékk í jólagjöf ,,Meiri fánýtur fróðleikur" og vitna hér með í hana af þessu tilefni ,,Umferðin er slæm þessa stundina, svo ef þú ert að hugsa um að fara að heiman núna, ættirðu að gera það fyrir nokkrum mínútum". Svo Austfirðingar, sjáumst fyrir nokkrum klukkutímum nema það sé of seint.

Annar í jólum

Jæja þá er þessari kjötkveðjuhátið lokið, að sinni. Kristín fékk eye-toy í jólagjöf og hefur leikurinn þegar verið notaður mikið (sjá myndir). Peta hefur verið best enda mikil keppnismanneskja á ferð.

Í möndlugjöf var landnemaspili ,,Catan" og tókum við eitt spil á aðfangakvöldið og Peta vann. Reglurnar breyttust reyndar mjög mikið í leiknum enda les maður ekkert manualinn (reglurnar) áður en spilið byrjar heldur á meðan spilið stendur yfir.

Þorlákur

Það hefur verið smá gjóla á landinu síðustu daga en svo sem ágætis veður hér fyrir vestan þangað til í nótt. Ég tók þessar myndir í víkinni í dag.





Við höfum verið að í lokaskreytingum í dag og hreingerningum (Peta). Held að það sé koma mynd á þetta á meðan ég skrifa þessar línur.

Ég ætlaði reyndar að setja jólaseríu á pikkann en þær fjúka líklega út í veður og vind.

Norðurljós

Það voru flott norðurljós yfir í víkinni í kvöld en því miður gaf batteríið í myndavélinni sig í frostinu. Eftir að ég var búinn að hlaða þá voru auðvitað engin norðurljós. Jæja ég náði þessari mynd samt áður en myndavélin dó. Horft frá húsinu okkar í átt að Snæfjallaströndinni.
Ég keypit úti seríu í gær og ætlaði að skreyta pikkann en hún náði ekki. Svo var þetta kannski ekki góð hugmynd, þyrfti alltaf að muna taka úr sambandi áður en maður færi á bílnum. Þetta voru grílukertasería en það passar fínt fyrir mig, engin bein strik - allt í óreglu.

Jóla hvað?

Hún Peta sér auðvitað um allar skreytingar en samt sem áður hélt ég nú að það ætti að skreyta húsið og innanstokksmuni sem hreyfðust ekki! Jæja hún náði allaveg einhvern veginn að skreyta sjálfan sig eins og má sjá á myndinni.
Ég tók þessa mynd á nýja símann minn, já ég er kominn með nýmóðins síma. Sá gamli er ekki til sölu svo það þýðir ekkert að reyna falast eftir honum. Hann virkaði mjög vel, sá um að ég fengi ekki mörg skilaboð og talaði lengi. Reyndar lítil hætta á því. Svo þoldi hann bæði að detta í golfið og týnast þ.e. enginn vildi hirða hann.
Jæja ég er að komast í jólaskap og hef ákveðið að leyfa fólki að gefa mér fleiri en tvær gjafir. Það þýðir samt ekki að pakka inn tíum, flatarmerkjum og golfkúlum og telja það sem margar gjafir, ónei.

Laufabrauðbakstur

Mæðgurnar ásamt vinafólki voru í laufabrauðsbakstri um helgina og ég hjálpaði auðvitað til, reddaði laufabrauðsjárninu og gosi. Síðan hafði ég það náðugt fyrir framan fótboltann. Á myndinni eru: Ebba, Peta, kristín og Guðmundur fylgist með hvort allt sé rétt gert.

Ferð til Eskifjarðar

Við kíktum austur á Eskifjörð um síðustu helgi. Við fengum fínt veður og vorum um 12 tíma á leiðinni og er það allt í lagi miðað við fljúgandi hálku alla Vestfirðina.

Fyrir austan reyndum við að ná í jólamatinn og gekk það bærilega og reyndist aðstoðarmaðurinn mjög vel. En hann var dálitið dettinn svo hann komst ekki annan daginn vegna meiðsla.

Á laugardaginn var leiðinda veður. Fossinn komst m.a.s. ekki að bryggju vegna veðurs. Við kíktum samt upp til fjalla og kom Kristín frænka með ásamt aðstoðarmanninum. Þær voru mjög áhugasamar um veiðarnar en báðu mig samt að skjóta ekki þegar þær voru að setja á sig varasalfa í NV rokinu. Hann gæti nefnilega runnið út á kinn ef þær mundu hrökkva við.

Á sunnudaginn fórum við suður til Reykjavíkur vegna þess að spáði frekar illa næstu daga og komum svo vestur í gær (14. nóv). Fengum þokkalegsta veður og sáum nokkrar rjúpur á leiðinni. Þær vita greinilega hvenær þær meiga sjást.

Veðurofsinn!!

Eins og fólk hefur tekið eftir þá var víða vont veður í dag. Hér fyrir vestan var nú bara ágætis veður nema það snjóaði. Kristín hennar Petu reyndi hér á myndinni að grípa nokkur snjókorn og það vantar ekki einbeitninguna.

Myndir frá því í sumar

Þeir eru eitthvað álkulegir þessir

Pestin

Fékk ælu- og drullupest í gær. Þessi örn minnir mann á drullupestina en eins og sést þá er hann að drulla. Þessi örn er reyndar merkilegur því hann er sá fyrsti sem hefur endurheimts með því að lesa á litmerkin á fótunum. Ég tók mynd af honum í Steingrímsfirði í vor en hann hafði verið merktur sem ungi árið áður í Breiðafirði.
Jæja nóg í bili, þarf að horfa á fótbolta í allan dag

Jólin komin?

Nei þetta er ekki jólasveinn með prik í hendi, heldur hann Friggi með stjaka. Við vorum í botnsýnatöku í Álftafirði í dag þegar ég tók þessa mynd. Það var lítil veiði hjá okkur, einn krossfiskur, einn burstaormur og slatti af drullu.

Myndir o.fl.

Jæja hér kemur næsta blog. Ég ætla að hafa á þessari síðu myndir eða tengla yfir á myndir. Verð líklega ekki duglegur við að skirfa. Myndin hér á síðunni er af hvítmáf en hún var tekin í höfninni í Bolungarvík í október.

Fyrsta bloggið

jæja ég er byrjaður að blogga og það í fyrsta skipti. Er að prufa mig áfram svo þetta er nóg í bili